NRK Meny
Normal

Åarjel saemien Fitness niejte

Båadtsede,stoerre åedtjieh abpe kråahpesne vihkeles vuesiehtidh jis edtja meatan Bikini Fitness Oslo Gran Priesne gaahtjedh.

Maiken Stinnerbom

Akte åarjelsaemien niejte Maiken Stinnerbom (20), Skierdesne, Stjørdaelesne årroeminie. Daate lea akte mij biejjie, gåessie tjuara ensi-laakan saavredh dennie saavreme gåetesne Skierdesne.

Maiken Stinnerbom

Fitness niejte Maiken Stinnerbom.

Foto: Kjell Roger Appfjell / NRK

– Daan biejjien edtjem roejtide jih råvvem saavredh dihte vihkeles daan båetien gaahtjemisse Oslosne.. Jih jeatjah biejjien dellie gietide jih tjåejjiem saavrem.

Minngemes hieljen Stinnerbom daam sov voestemes gaahtjemem vitni -debutant 163 cm Sandefjord Open. Stinnerbom lea bielie jaepien saavreme jih daate gaahtjeme vuekie urreste sutnan.

– Manne bååhperim daan hijvene gåeredi. Luste lea. Tjoeverem eensi-laakan saavredh, dah kalorie ryøknedh. Ij åååtje naan lissie beabpmoem byøpmedidh. Jijnje barkoe lea ,daate munnjan sjeahta tryjjedem jih jijnjem saavredh ,jeahta Stinnerbom.

Maiken Stinnerbom

Hieljese dellie Oslo Grand Prix jih daejnie Fitness gaahtjeminie dovres giehtelidh. Tjoeverh jijnjem feeledh, dovres bikinim åestedh jih aktem coachem tjoerh utnedh jih fierhten biejjien tjoerh saavredh.

– Dihte mov fuelhkie tuhtjieh manne daan skreajnan. Majken føørhkede.– Daate lea daan gaahtjemen åvtelen manne njealkoeminie. Daan mænngan manne vihth båajtoem jeahta Stinnerbom.

Mubpien jaapan maahta Nøørjen miesterskape NM Nøørjesne sjidtedh. Gieh daejrieh, kanne åarjelsaemien niejte desnie meatan.

Maiken Stinnerbom
Foto: Kjell Roger Appfjell / NRK