Áššáskuhtton seksuálalaš daguin
33-jahkásaš dievdu galgá Sáččá diggegotti ovdii. Son lea áššáskuhtton go muhttin mánáidskuvllaoahppi lea šaddan gillát dievddu seksuálalaš daguid. Dahku galgá leat dáhpáhuvvan Gaska-Romssa mánáidskuvllas mannan čavčča, ja dalle lei oahppi dušše ovccijahkásaš. Áššáskuhttimis boahtá ovdan ahte dáhpáhus galgá leat erenoamáš duođalaš, go das lea sáhka dievddus guhte lea vearrut meannudan iežas virggis, dahje lea rihkkon luohttevašvuođa mii čuovvu su ámmáha. Ášši galgá meannuduvvot Sáččá diggegottis geassemánu 27. beaivvi.