NRK Meny
Normal

Čuovvu mánnávuođa juovlavieruid

Drammenis áigu son mánnávuođa juovlavieruid mielde ávvudit juovlabasiid. Lena Marie Farvelund Haddal dahtošii mánáidis vásihit dan maid ieš vásihii juovlabasiidáigge mánnán.

Lena Marie Farvelud Haddal

Lena Marie Farvelud Haddal

Foto: Brita Åsa Norlemann

Sii lávlot juovllabasiid

Sii lávlot juovllabasiid

Foto: Brita Åsa Norlemann

Lena Marie Farvelund Haddal lea Kárášjogas fárren máttás oahpu geažil, ja dán jagi son háliida ráhkadit bearrašii árbevirološ juovllaid Drammenis. Ovdal son lea bargan oahpaheaddjin, ja de gal fertii hirbmat ollu lávlut skuvlamánáiguin. Danne lean váldán mielde juovlalávlagiid Lenai gullandihte makkár muittuid dat buktet sutnje.

Dehálaš lávlut juovlalávlagiid

Lena Marie Farvelund Haddal lohká ahte juovllaid ferte lávlut juovlalávlagiid. Iežas lohká lávlut hui olu iežas mánáide, dan dahká danne go dalle go son lei oahpaheaddji, de lávllui son hui olu skuvllamánáiguin ovttas. Dál son lávlu ges iežas mánáiguin.