Jorunn Eikjok lea sosialantropologa, servodatdutki ja kulturbuvttadeaddji. Son lea maid almmustahttán girjji "Ovcci sámi áigegova".
Čuoldinkursa Vuonnabađas
Eikjok lea unjárgalaš, ja dál go Isak Saba Guovddáš álggahii fas čuoldinkurssa, de mearridii ahte dál áigu son oahppat dan maid 40 jagai áigi áiggui oahppat, muhto ii gártan.
Elina Hagala lea maid čuoldin kurssas ii danne go áiggošii duddjogoahtit ja čuoldigoahtit sámi dujiid, muhto lea kurssas somá dihtii. Dál son gal lea čuoldimin iežas ovttasássái vuoddagiid, ja son dat gal vahkkus juo lea čuoldilan oalle olu.
Unjárgga čuoldi oahpaheaddjin
Sara Trasti oahpaha nissoniid čuoldit sihke boahkániid ja vuoddagiid. Ja dán čuoldinkursii leatge máŋggas searvan. Iežas muitala ovdalge leamašan Isak Saba Guovddážis oahpaheamen čuoldit.
Vuoddagiid ivdni galgá heivet gákteivdnái
Anette Margit muitala iežas ovdal searvan gáktegoarronkursii, ja dál lea ges oahppamin čuoldit vuoddagiid. Ivnnit galget heivet oktii, danne lea dál čuoldimin vuoddagiid seamma ivdnái go mii gávttis lea. Sutnje lea mávssolaš ahte ivnnit heivejit oktii. Iežas muitala áigut oahppat sámedujiid, nu ahte maŋit áiggis sáhttá fas oahpahit dáid dujiid nuorat buolvvaide.