NRK Meny
Normal

Čuojahit Gaskaija-rock:as Leavnnjas

Rolffa musihkkajoavkku musihkkárat ásset eatnašat Tromssas, earát ges Kárášjogas, danne eai leat čuojahan ovttas moatti jahkái. Dál leat čoahkkanan Kárášjohkii oahpahallat fas ovttas čuojahit, lávdái galget vahkkoloahpas.

Jan Børre Hansen Balto, Nils Mikal Hansen, Elle Maija K. Bær, Rolf Morten Anti Amundsen, Ailu Kemi G
Foto: Thoralf Balto

Rolffa-joavku lea dál čoahkkanan Kárášjohkii oahpahallat fas ovttas čuojahit, áinnat eai leat deaivvadan buohkat moatti jahkái čuojahit ovttas.

Dán vahkkoloahpa galget sii gorgŋet Gaskaijarocka lávdá čuojahit, ja de gal galggašedje dalle muitit justa mo galget čuojahit ovttas.

Nissonolmmos soločuojaheaddjin

Elle Maija Klevstad Bær

Elle Maija Klevstad Bær

Foto: Thoralf Balto

Elle Maija Klevstad Bær lea dán joavkkus čuojahan ovdal, dalle lei 16 jagi boaris. Dál lea juo gollan olu jagit das rájes, ja diehtalas lea čehppon čuojahit das rájes.

Iežas muitala illudit vahkkolohppii, dalle beassá son fas lávdái Rolffa joavkkuin.

Čuojaheaddji ballá vajáldahttán mo ovttas čuojahit

Áilu Gjerpe balada veaháš, jos son ii muitte justa mo son galgá dearpat daid rumbbuid. Dál ferte bures hárjehallat, vai fas darvána muitui makkár rumbbu goas galgá dearpat. Doaivumis muititgoahtá son fas vuogi, vai vahkkoloahpas deaivá dearpat daid rivttes rumbbuid iešguđetge šuoŋaide.