NRK Meny

Čuggen nuppi dievddu niibbiin

Politiijat válde gitta badjelaš 20 jahkásaš dievddu, maŋŋel go son čuggii niibbiin muhtin eará badjelaš 20 jahkásaš dievddu, Čáhcesullos, Finnmárkkus. Čukkohallon dievdu beasai ieš dearvvašvuođaguovddážii gos su dikšo. – Sii eai dieđe man bahuid lea roasmmehuvvan, muhto sii leat álgán dutkat ášši, dadjá operašuvnnajođiheaddji Torfinn Halvari. Dát guokte dievddu leaba oahppasat politiijaide, muhto Halvari ii hálit dadjat makkár birrasii soai gullaba.