NRK Meny
Normal

«Raasten Rastah» – feestivale abpe fuelhkide

Daate lea gaektsede aejkien dihte feestivale edtja årrodh.

Raasten Rastah,
Foto: Pressebilde

Dihte åarjelsaemien kultuvrefeestivale «Raasten Rastah» sjidti öörnedehtedh voestes aejkien 2002, jih daelie lea gaektsede aejkien dihte feestivale edtja årrodh, dah dam pressebïevsne tjaelieh.

Daate lea feestivale abpe fuelkhide jih lea darjome maanide, noeride jih geervide. Feestivalem edtja råakesijjie dejtie saemide mah åarjelsinie årrodh, dovne nøørjen jih sveerjen bealesne.

Maxida Märak

Maxida Märak

Foto: Pressebilde

Daan jaepien dihte åehpies hip-hop artiste Maxida Märak edtja båetedh. Jih ij lea barre akte konserte dihte edtja utnedh, mohte gøøkte. Laavadahken iehkede Marja Mortensson jih Katarina Barruk edtjigan konserte utnedh. Dah guaktah tjaaligan sov jijtje teektsh, jih daelie edtjtigan seamma arenasne tjåadtjodh.

Åenehksjielemeguvviem «Stoerre Vaerie» edtja aaj vuesiehtidh, jih lea gaavnedimmie filmen åavtehke Amanda Kernell jih dah dorjehtæjjah mij lea spealadamme jielemeguvvien sisnie «Sameblod».
Åarjelhsaemien teatere edtja vuesiehtidh «Sïlpegaaltije», jih lea Cecilia Persson jih Charlotte Kappfjell mij lea vaajesen meatan.

Datne maahtah abpe programme daesnie lohkedh.