Čohkkestii alcces musihkkajoavkku

Anna Näkkäläjärvi Länsman lea mánnán juo lávlugoahtán, čieža jagi lei boaris go vuosttaš háve lávllui lávddis. Ieš navdá leat Anára skuvlla oahpahus gos son movttiidii bargat viidáseappot musihkain.

Doppe serve sii mánát Sámi nuoraid dáiddadáhpáhussii, ja dát lágiduvvui 1990-logu álggus, ja doppe ledje siige.

Sibelius akademiija geasuhii musihkkaohppui

Skuvlavázzin Anáris dáiddii lean dat mii bijai vuođu dasa ahte son beroštišgođii musihkas. Ja dás su musihkka oahppu álggii ja fáhkkestaga de lei son Sibelius akademiijas oahpus.

Dat akademiija lea Helssegis, mii lea beakkán Jean Sibeliusa namas ásahuvvon.

Opera ja symfoniijačuojahanjoavku ohppet jođihit

Sibelius akademiijas váldet olbmot oahpu opera- ja symfoniijačuojahanjoavkku jođiheamis. Gieskat ovttastahtte akademiija eará dáiddafágalaš ásahusaiguin. Dál lea das namma Kunstuniversitetet / University of Arts Helsinki.

Dieppe Sibelius akademiijas lei klarineahtta Anna Näkkäläjärvi Länsman váldočuojanassan.

Čálligođii lávllateavsttaid máddin

Anna Näkkäläjärvi Länsman ahkidušai davás daid jagiid go ásai máddin Suomas. Danne dáin teavsttain vuhtto ahkitvuohta, muhto maiddái nuorra olbmo ráhkesvuođajurdagat.

Doppe son de hábmii ja lávllui vuosttaš lávlagiid CD:i, maid gohčodii «Beallječiŋat 2011».

Nuppi CD lávllateavsttat leat rievdan

Borgemánus 2016:s almmustuvai Ánnámáret Ensemblesis nubbi CD. Dás eai leat šat nu ahkidis lávlagat, ja eaige nu morašlaš ráhkesvuođalávlagat.

Dál leat lávlagiin eanet politihkalaš fáddá, nugo eiseválddit leat váldán sin eatnamiid, sin giela ja gaikkodan sin gávttiid, muhto ahte sii dat gal ain leat das.

Lei dehálaš čohkkestit musihkkajoavkku mainna bargá ovttas

Sii geat leat mielde «Ánnámáret Ensemble» joavkkus leat Johanna Jahola gii čuojaha geasána, Janne Lappalainen gii čuojaha gitára, Sami Gurppa čuojaha piano ja Ilkka Heinonen ges čuojaha bássa. Dieinna joavkkuin leat de dássážii almmustuvvan sus guokte CD, Beallječiŋat 2011 ja Gollehealmmut borgemánus 2016:s.