Hopp til innhold

Čohkkestii alcces moatti riikkas čuojaheddjiid

Niillas Holmberga lea máŋggabealat dáiddár, son lávlu, čuojaha, ja čállá divttaid, dál lea čohkkestan alcces čuojaheddjiid moatti riikkas

Niillas Holmberg
Foto: Liv Inger Somby / NRK

Sámis leat gullan Niillas Holmberga lávlumin ja čuojaheamen. Son lea máŋggabealat dáiddár, go son lávlu, čuojaha, čállá divttaid ja boahtte jagi almmustahtta maid ođđa dikta girjji. Niillas Holmberg lea geargan olu, vaikke ieš lea nuorra almmái.

Joavkku namma lea «Ylva»

Musihkka-mátkis golbma jagi áigi deaivvai son musihkkáriid geaiguin son duođas háliidii ovttasbargat. Sii leat Antero Priha, Asko Keränen ja ruoŧŧilaš Stefan Kvarnström. Musihkkamátkis sii gávnnahedje ahte sii sáhttet ovttasbargat, ja nie dat álggii sis ovttasbargu.

Almmustahttet skearruid

Niillas Holmberg ii riekta duosta muitalit goas skearru almmustuvvá, muhto boahtte jagi lohpida skearru almmustuvvat «Ylva-joavkkus». Muhto sus dat gal alddis almmustuvvá eará joavkkuin maid CDa. Das son lávlu Veijo Lensman-rohke lávlagiid. Holmberggas almmustuvvá maid diktagirji 2016s. Muhto ii dieđe justa goas.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.