NRK Meny

Čoaggá namaid Tråantes

Ikte almmuhii Sámedikki presideanta Vibeke Larsen ahte son lea čoaggime namaid ásahit ođđa bellodaga. Dan son dahká Troandimis gos dán vahku leat sámi álbmotbeaivvi 100 jagi ávvudoalut Tråante 2017. Larsen dieđihii iežas eret Bargiid bellodagas maŋŋel go vuoittahalai bellodaga presideantaevttohassan Ronny Wilhelmsenii. Dál áigu son ásahit ođđa sámi sosiála demokráhtalaš bellodaga, ja lohká earret eará Sámedikki ovddeš várrepresideantta Marianne Balto leat dás fárus.