Nicko Buljo čavčča vuosttaš guossin

Son lea beaggán sihke lávlun ja neavttárin. Su namma lea Nils Henrik Buljo, muhto su gohčodit maiddái Nicko. Son lea Luo-Mus Máilmmi vuosttaš guossi dán čavčča.

Giđđadulvi
Foto: Siljá Somby, preassagovva

Su namma beaggigođii Sagittarius joavkku bokte. Maŋŋil leat mii su oaidnán Beaivváš Sámi teáhtera lávddis. Nils Henrik "Nicko" Buljo lei studioguossin Luo-Mus Máilmmis borgemánu 29. beaivvi.

Gula go Nicko lei studioguossin

Golbma Sagittarius skearru main Nicko Buljo lea mielde
Foto: Wenche Marie Hætta / NRK

Sagittarius lea almmuhan dáid skearruid:

  • "Jole's joke"
  • "Voice of doom"
  • "Sanity of madness"
  • "Noaidi"

Nicko Buljo ii leat mielde dan maŋemus skearrus, oainnát go dalle lei son guođđán joavkku.

1996s searvvai Nicko Sámi Grand Prixai. Son vuittii lávlunoasi lávlagiin "Go beaivváš badjána". Son lei ieš teakstačálli ja šuokŋadahkki. Logi jagi maŋŋil ráhkadii fas ođđa lávlaga Sámi Grand Prixai, muhto dalle ii lávlon ieš. Lei Inga Elise Påve gii lávllui "Go seavdnjáš ivdnána", mii ii dađi bahábut boahtán dan golbma buoremus searvái.

Dá leat teáhterbihtát main Nicko Buljo lea neaktán:

  • 1998: “Jeagge Jussá”
  • 1999: “Máistte dás”
  • 2000: “Beaivváš badjána”
  • 2001: “Ayra Leena”
  • 2002: “Okto”, “Joik?”
  • 2003: “Hamlet”, “Jasat”, “Internáhtta”, “Don leat mu eadni” (monologa)
  • 2006: “Eanu”, “Skuolfi”, “Lonuhus”
  • 2007: “Ridn’oaivi ja nieguid oaidni”, “Giđđadulvi IV”