NRK Meny
Normal

–Luossabivdu ii galgga nohkat

Mearaluossabivdiid boahtteáigi galgá sihkkarastot. Dáinna áššiin áigu Finnmárkku Opmodaga stivrrajođiheaddji, Berit Ranveig Nilssen, vuosttažettin bargagoahtit.

Berit Ranveig Nilssen
Foto: NRK

Finnmárkku Opmodat galgá farggá mearridit, earret eará Luondduhálddašan direktoráhta gulaskuddama oktavuođas, mas evttohuvvo gáržžidit mearraluossabivddu, mii lea árbevirolaš sámi ealáhus.

Finnmárkku fylkkamánni lea ge evttohan ahte mearraluossabivdu easkka álggahuvvo geassemánu 20. beaivvi. Dábálaččát álgá bivdu miessemánu 15. beaivvi.

GULDAL: Fefo jođiheaddji

Luossagáhtten

Maiddái lea gažáldat ahte geat galggaše beassat bivdit ja gos. Dán árbevirolaš sámi vuotnaguolásteami lohket direktoráhtas sivvan dasa go luossa jogain lea unnon.

Áigumuš livččii gáhttet luosa máŋgga jagi badjel, ja nu gieldit eanas bivddu. Dán ii sáhte Nilssen dohkkehit:

Mearraluossabivdu jávkamin

Árbevirolaš mearraluossabivdit leat unnon jagis jahkái máŋggalágan sivaid dihte, muhto FeFo hálida ahte dát ealáhus galgá leat sihkkaris lotnolasealáhussan, iige ođđa stivrra jođiheaddji gal dohkket ahte bivdodivadat lasihuvvojit, nu mot lea leamašan ságas.