NRK Meny
Normal

"Lappland"sátni geasuha turisttaid

Jos gálggáš ollet guhkkeleabbui máilmmis de fertet duostat geavahit Lappland sáni, nu lohkká badjeolmmoš gii geaskat lea fitnan Berlinas Duiskkas. Seamma oaivilis lea mázelaš turisttafitnodaga Čávžo Safari AS eaiggát ja jođiheaddji Tore Turi.

 

Inger Anita Smuk på Grüne Woche i Berlin 2008

Inger Anita Smuk på Grüne Woche i Berlin 2008

Foto: Mads Opsahk/Innovasjon Norge

Gula "Lappland digaštallama"

Gula jearahallama Inger Anita Smukain

Finnmark Reiseliv moitojuvvo Norgga Sámiid Rikkasearvvis danne go geavahit cielassáni "Lappland" go márkanfievrridit sámi guovllu olgoriikkas. Badjeolmmoš Inger Anita Smuk Vuotnabađas Unjárgga gielddas gal ii ádde dáid moaittámušaid. "Lappland" sáni dovdet turisttat, eaige "Sámi" dahje "Finnmárkku".

"Lappland" sátni geasuha

Smuk gii ieš áiddo lea leamaš Duiskkas vuovdaleamen bohccobiergguid, muitala iežas olbmuiguin háleštan. Olgoriikalaččat eai dieđe mii Finnmarku lea, eaige dieđe mii Sápmi lea, muhto dalán go Lappland namahuvvo de dego morihit, dan sáni sii gal dovdet.

Čávzo Safari AS

Čávžo Safari AS eaiggát ja jođiheaddji Tore Turi lohká leat deháleapmosin diinnet, danne lea sutnje seammá makkár namas máidnu turisttadoaimmas.

Kárášjohkalaš iige soardašuva dáinna

Ánne Rávdna Gaup gii jođiha turisttafitnodaga Kárášjogas ii loga iežas soardašuvvat jos dal "Finnmark Reiseliv" geavahage "Lappland" sáni.