Eanadolliide lea ásahuvvon lassitienas man gohčodit "Inn på Tunet" sámegillii "Šilljui" prošeakta. Dán doaimma leat Norgga stáhta ja eanadoalloeiseválddit hutkan ja álggahan.
Bargaba "Inn på Tunet " prošeavttas
Lávttejogas/ Brennelvas Porsáŋggus leaba Eila Saijets ja su isit Torgeir Johansen juo jagi bargan dán prošeavttas, ja Eila Saijets muitala min reportárii Kari Sarai, alddeska leat moaddása geaid barggaheaba iežaska eanadoalus. (Loga eanet vuolábeal gova)
Eila Saijets ja su isit Torgeir Johansen leaba juo leamaš jagi mielde "Inn på Tunet dahjege Šilljui" prošeavttas maid stáhta ja eanadoalloeiseválddit leat ásahan lassiealáhussan eanadolliide.
Šiehtadan gielddain
Dát prošeakta lea dan lahkai ahte eanadollit ja gielda sáhttet šiehtadit doaimmaid maid eanadoali sáhttá fállat nugo mat gieldda oahpahus-, sosiála- dahje bargosuorgái. Dát galgá leat ávkin gildii, geavaheddjiide ja eanadoallái. Danne go dáinna fidne eanadoalli lássitietnasa, gielda fidne veahki fállat bargguid ja doaimmaid sidjiide geat dan dárbbašit ja dát geavaheaddjit ožžot ges bargguid maid nagadit doaimmahit.
Geavaheaddjit barget maŋggalagan bargguid
Eila Saijets muitala alddeska leat máŋggalagan bargguid geavaheddjiide, nugo mat muorravisttis. Doppe geavaheaddjit devdet muoraid seahkaide, ja doppe dat gal lea Eila isit Torgeir,gii láidesta barggu.
Návehasttet maid
Sutno eanadoalus leat maid sávžžat, lamat ja vuoncát. Geavaheaddjit besset dikšut dáid elliid, ja čoaggit moniid. Ja justa dál lea sutnos geavaheaddji gii liiko sávzzaide, son lea ovdal leamaš sávžadoalli. Dál návehasttá son sávzanávehis.
Sirbmálaš ásaiduvai Lávttejohkii
Eila Saijets muitala iežas leat Sirpmás bajásšaddan, ja su isit Torgeir Johansen lea ges Lávttejogas Porsánggus bajásšaddan. Isida ruovttubáikkis Lávttejogas soai doaimmaheabage "Inn på Tunet, Silljui" prošeavtta, maid leaba šiehtadan Porsáŋggu gielddain.