–In searvva akšuneret

Mii leat juo doarvái márkeren iehčamet oainnu mineralláhkii, lohká Sámediggepresideanta Egil Olli.

Egil Olli
Foto: Eilif Aslaksen / NRK

Nu son fástida go gullá ahte Norgga sámiid riikkasearvvi parlamentaralaš jođiheaddji, Aili Keskitalo, otne iđitođđasiin čuoččuha dárbbu čájehit vuostehagu láhkii mii lea boađi boađi.

Olli maid muittuha ahte sis leamaš áiddo čoahkkin Stuorradikki ealáhuskomiteain mas Keskitalo ieš lei mielde.

GULDAL: Ii searvva ákšuvnnaide

Jáhku ráđđehussii

Olli doaivu ealáhuskomitea váldit vuhtii Sámedikke rievdadusgáibádusaid. – Mii ovddideimmet Sámedikke oainnu ja árvaleimmet maid čovdosiid, nu ahte mun gal doaivvun lávdegoddi bargá dieinna áššiin hui dehálaččat, lohká Olli.

– Ii šat ristehas gieđaid

– Mun gal ávžžuhan Sámedikke dál geavahit buot vejolaš kanalaid dán

Aili Keskitalo
Foto: Eilif Aslaksen / NRK

dehálaš ášši oktavuođas, go dál ii heive šat čohkkát ristehas gieđaid, lohká Keskitalo.

Muhto presideanta Olli gal dadjá hui čielggasit: – Mun gal in sáhte searvat akšuvnnaide nu guhká go lávdegoddi lea bargamin áššiin.