NRK Meny
Normal

– Fylkkamánni geavaha válddi boastut

Deanu fierbmebivdit leat massán luohttámuša Finnmárkku filkkamánnái ja Lappi bargo- ja ealáhusguovddážii.

Hans Erik Varsi på Storfossen Camping i Tana

Deanu Luossabreavaeaiggádiid searvvi beaivválaš jođiheaddji, Hans Erik Varsi.

Foto: Anne Berit Anti / NRK

– Finnmárkku filkkamánni ja Lappi bargo- ja ealáhusguovddáš, TE-Keskus, berreba massit vuoigatvuođa hálddašit turistabivddu Deanučážádagas dan dihte go geavahit dán válddi boastut, oaivvilda Deanu Luossabreavaeaiggádiid searvvi beaivválaš jođiheaddji Hans Erik Varsi.

GULDAL: – Fylkkamánni geavaha válddi boastut

– Eat geavat válddi boastut, vástida Finnmárkku birasgáhttenhoavda Bente Christiansen.

Son ii ipmir Deanu Luossabreavaeaiggádiid searvvi moaitámušaid go čuoččuhit fylkkamánni ja TE-Keskusa geavahit boastut dan válddi maid leat ožžon hálddašit Deanučázádaga turistabivddu.

GULDAL: – Eat geavat válddi boastut