"Football Association- Sápmi"

Dat ođđa ásahuvvon "Football Association Sápmi" (FA- Sápmi) searvi ohcá dál miellahttuvuođa Sámi- Valáštallanlihttui.

Frode Guldbjørnsen

FA-Sápmi stivralahttu, Frode Gulbjørnsen, duođašta ahte sii dál ohcet miellahttuvuođa Sámi valáštallanlihttui.

Foto: Dan Robert Larsen / NRK

Easkka ásahuvvon FA-Sápmi spábbačiekčanlihttu, ohcá miellahttuvuođa Sámi Valáštallanlihttui. Nu mearridedje dikkis Gironis, ruoŧabealde, ovddit lávvardaga. Muhto Sámi Valáštallanlihttu njuolggadusain boahtá ovdán ahte eai sáhte leat guokte vuollásaš lihtu seamma suorggis. Sámi-Valáštallanlihttu ii leat meannudan mo čovdet ášši.

FA-Sápmi stivralahttu Frode Gulbjørnsen, duođašta ahte ohcet miellahttuvuođa Sámi valáštallanlihttui.

Mikkel Isak Eira

Sámi Spábbačiekčanlihttu jođiheaddji, gii maid lea Sámi Valáštallanlihttu jođiheaddji, Mikkel Isak Eira, ii leat vástidan telefovnna go NRK Sápmi lea geahččalan su oččodit ságaide.

Foto: NRK / NRK
  • Guldal ášši: