NRK Meny

Šelggonávnnas

Bálgosiid ovttastus geahččala maiddái dán čavčča, movt doaibmá bohccuid čorvviide cirgguhuvvon šelggonávnnas.
Šelggon cirggastaga geahččaledje sulaid 20 bohccui mannan giđa. Ávnnas oidnui bures, muhto ii bisson guhkit áigge. Dál Bálgosiid ovttastus geahččala ođđa, Ruoŧa fitnodaga spraya ja mála, mat galggašedje buorebut bissut čorvviin.
Šelggonávdnasa ožžot čorvviidasaset dán čavčča bigálusain, sulaid 300 bohcco Roavvenjárgga guovllu bálgosiin.