NRK Meny
Normal

Harvard dássi Guovdageainnus

Guovdageainnu suohkan sáhttá rábmot ahte sis leat olu ássit geain lea doavttergráđa, ja vel ain eambbosat leat dál bargamin doavttergráđain.

Noen av de 18 med doktorgrad i Kautokeino
Foto: Marie Elise Nystad / NRK

Sámi allaskuvllas ja Sámi Instituhtas leat dál váile 40 bargi geain lea doavttergráđa dahje leat bargamin doavttergráđain. -Dát alla gelbbolašvuohta lea nu erenoamáš, ahte sáhttá buohtastahttit Harvard Universitehtain Amerihkkás. Sámi Allaskuvlla rektor Mai Britt Utsi lea čeavlái go ná bures leat fágalaččat ovdánan 18 jagis.

Feara makkár čeahpit

Sámi allaskuvllas ja Sámi Instituhtas Guovdageainnus leat dál 18 bargi geain lea dat buot alimus akademálaš oahppu maid sáhtaš olahit. Dát muitala ahte Guovdageidnui leat čohkken čeahpemusaid sámegielas, duojis, girjjálašvuođas, servodatfágas, filosofiijas, pedagogihkas ja álgoálbmot máhtolašvuodas.
Dát dássi lea Utsi mielas seamma dásis go beakkán Harvard Universitehta Amerihkkás.

Boazosápmelaš profeassorin

Boazosápmelaš Nils Oskal lea profeassor. Son lea lohkan alimus dási filosofiija ja lea Dr. Art: Son rápmo dán guovtti ásahusa go nu garrasit leat čuollan loktet fágadási. - Sámi allaskuvllas ja Sámi Instituhtas lea dáhttu ovddidit fága ja maiddái ásahusaid, rámida Oskal sámi ásahusaid. 

Nils Oskal ii leat ovdal jurdilan ahte ná ollugiin lea doavttergráđa ja vel dan ahte guoktelogis leat dál lohkamin doavttergráđa.

HARVARD DASSI GUOVDAGEAINNUS