“Eahpáraš” filbma čájehuvvui vuosttaš geardde eamiálbmot filbmakonferánsas Guovdageainnus guovvamánus. Filbmadahkki Anne Merete A. Gaup lohká iežas lean hui balus ovdal vuosttas čájeheami mii lei beaivvi ovdal go olles álbmogii čájehuvvui.
Son lea ilus go lea ollašuhttán guhkesáiggi áigumušas, ráhkadit filmma dakkáris maid mánnán lea gullan. Son sávvá beassat ráhkadit guhkes filmma dán eahpáraš fearána birra.
Son lea dál juo jođihan oanehis filmmas njealji filbmafestiválii.