NRK Meny
Normal

"Blackfire" ja "Wai" Riddu Riđđui

Dán jagi Riddu Riđđu musihkkaprográmma lea čielgan. Aotearoa joavku Wai ja punkajoavku Blackfire oassálasttet.

Navajo punk joavku Blackfire
Foto: Riddu Riđđu

Blackfire lea joavku mii boahtá Árizona sáttoeatnamiis. Sin musihkkašládja lea punckroch. Sin musihkka vuolggahuvvo navajo- ja eamiálbmotdiliin Amerihkkás. Joavkku dovddusisvuohta lea leamaš mielde buorideamen guovllu nuoraid iešdovddu.

Maorit maid bohtet

Moarijoavku Wai
Foto: Preassagovva Riddu Riđđu

Maorit bohtet joavkkuin "Wai". Ja sii bohtet Aotearoas. "Wai" lea ođasmahttán maoriid lávlagiid, bidjan dáidda elektinihka ritmaid. Joavku lea 2004:s leamaš Riddu Riđđus, ja dalle liikojedje olbmot sin dánsumiidda ja "Poi" dáiddalašvuhtii. Sis ilbmá dán giđa cd, ja dán heava bohtet sii Riddu Riđđui golmmain lávluin.

Ánde Somby joavkkuinnis

Maiddái Ánde Somby searvá joavkkuiinnis dán jagi Riddu Riđđui. Joakku namma lea "Vájas", ja dás leat hárjánan musihkkárat mielde. Ánde Somby lea ovdalis juoigi, musihkkár guovttos Kristin Mellem ja Nils Johansen leaba maid ovdal čuojahan. Dattege leat sii easka dál almmuhan vuosttaš cd`, man namma lea "Sacred Stone". Dát lea leamaš oalle badjen europealaš máilmme musihkka listtain.

Johan Kitti

Johan Kitti
Foto: Riddu Riđđu preassagovva

Johan Kittisge lea ilbman cd gieskat man namma lea "Dovdut". Vuosttaš konseartta lágidii son Tromssas guovvamánus.

Tiina Sanila

Tiina Sanila levde dahje juogá iežas eatnigillii, mii lea nuortalašgiella. Songe lea ilbmadan cdcd`, ja das son biddjá veahaš leavttu nuortalašluđiide. Son lea beaggán positiivalaččat Suomas musihkainnis, muhto Norgga beali Sámis ii leat son šaddan vel seamma dovssusin go Suoma Sámis. Dál searva son Riddu Riđđui, ja doppe son gal ovdalge leamaš lávddis. 2001:s lei son Riddu Riđđu nuorra ártistta.

Sibirjálaš ártisttat

Maiddái Sibiras bohtet oassálasttit Riddu Riđđui. Lea "Bayar" joavku mii boahttá oassálasttit iežaset dološ árbevirolaš lávlágiiguin. Maiddái Stepanida Borissova searvá ja songe oassálasttá iežas guovllu lávlagiiguin.

Taqralik Partridge boahtá

Taqralik Partridge Nunavik/Canada
Foto: Riddu Riđđu preassagovva

Maiddái Taqralik Partrigde boahtá Nunavik:s Canadas. Son lea dovddusis poesiártistta. Son áigu maid ráppet.

Báikkálaš čuojaheaddjit

Maiddái báikkálaščuojaheaddjit servet. "Violet Road" leat gullevaččat Tromsii. Joavku galgá čuojahit, sis leat ollu lávlagat ja dáiddá leat olbmot sakka liikostan. Nu čállá Riddu Riđu riemuid jođiheaddji Camilla Brattland.

Riddu Riđđu riemuid jođiheaddji Camilla Brattland
Foto: NSR`Preassagovva