«Artiststipendet» Elle Márjá Eirai
Sámi artista Elle Márjá Eira lea okta dan guhttasis, geat ožžot «Artiststipendet 2018.» Lea nuppes go GramArts fond geige dán stipeandda ja juohke vuoiti oažžu 250 000 ruvnno. Dan čállá Gramart neahttasiiddus. GramArts fond stivrajođiheaddji Christian Wadahl Uhlen lohká neahttasiidui ahte ohccit ledje iežaset ohcamiid vuđolaččat ákkastallan ja čájehan persovnnalašvuođa. Sii nagodedje hui bures ovddidit iežaset earenoamášvuođa. Eará vuoitit leat: Hans-Peter Lindstrøm, Hanne Kolstø, Amund Maarud, Kjetil Haraldstad (Frost), Thea Hjelmeland.