NRK Meny
Normal

Šamána ja báŋkorievideaddji filbman

Erenoamáš fulkkežagat Deanus deaivvadeaba. Das šaddá fargga filbma.

Sven-Eirik Utsi
Foto: NRK

Guldal: UTSI JA UTSI

Filbmadahkki Knut Skoglund gulai radiojearahallama Ester Utsiin Deanus. Muitalus lei nu fámolaš ja geasuheaddji ahte Skoglund ii máššan. Son čuojaldahttii Esterii seamma beaivve vai beasašii filmma dahkat su birra.

Ságastallamat láddadedje filbmamuitalusa mii dán dásis gohčoduvvo "Utsi ja Utsi".

– Esther álggii hupmat fuolkkis Sven-Erika birra, ja nu oahpásnuvven maiddái sunnje, čilge Skoglund.  

– Materialista šattai rievideaddjin

Tabloidaviissat gohčodit ge Sven-Erika čendisrievideaddjin. Ieš regissøra muitala ahte šattai nu danne go lei materiálista ja nu geavai boasttu bálgáide.

Ikte oaččui dieđu Davvi Norgga filbmaguovddážis ahte sii ruhtadit oasi "Utsi ja Utsi" filmmas mii galgá gárvanit 2009 Romssa filbmafestiválii. 239 000 duhát ruvnno oaččui son sis.

Regissøra áigu Estera ja Sven Erika muitalusain čájehit movt fulkkešguovttos geat leaba vuolgán seamma báikkis, válljiiga nu goabbatlágan eallima.