NRK Meny
Normal

Šállošahtti ahte mánát eai oahpa juoigat

Gieskat lágiduvvui Norgga girjerájusčoahkkin Tromssas. Doppe finai maid luohtečeahppi Biret Risten Sara muitaleamen oasseváldiide luođi birra ja earret eará muitalii son ahte ovdal lei buohkain luohti, dál lea diet vierru jávkan.

Berit Kirsten Sara

Biret Risten Sara

Foto: Arne Ivar Johnsen / NRK

– Servodat rievdá ja sámi servodat lea maid rievdan dan mađe ahte juohke olbmos ii leat šat luohti, lohká luohtečeahppi Biret Risten Sara.

Luohti ii šat eale seamma láhkai go ovdal ja ollugat lohket ahte lea váttis bidjat luođi danne go eai máhte dan dahkat.

Biret Risten Sara

Biret Risten Sara

Foto: NRK
Kristtalašvuohta jávkadii luđiid

Go kristtalašvuohta bođii de ii lean šat lohpi juoigat ja danne de jávke luođit maid noaiddit juige iežaset meanuid oktavuođas.

– Soaitá leat vejolaš gávdnat luđiid mat leat dien guvlui muhtun vuorkkás gos nu, muhto servodagas dat goitge eai šat eale, lohká luohtečeahppi Biret Risten Sara.

Guldal: