Dán čállindeaivvadeapmái servet nuorat Davvi Norggas, Davvi Ruotas, Davvi Suomas ja Oarje Davve Ruoššas. Čállinbádjin dat sámegillii gohčodit deaivvadeami, doppe galget nuorat oahppat čállit čáppagirjjálašvuođa teavsttaid. Oahpaheaddjin čállinbájis leat girječállit buot njeallji davvi riikkas, ja sii oahpahit davvi sámegillii.
Árvalit maid čállit
Dát girječállit dat ráhkadit nuoraide čállinbargguid ja de čuvvot ja rávvejit sii nuoraid čállinbarggus. Nuorat ohppet barggat joavkkus, muhto maiddái okto čállit.
Norggabealde vuolgá Marry Áillunieida Somby oahpahit nuoraid
Dahtošii gánddaid searvat
Finnmárkku fylkka girjerádjosa ráđđeaddi Kristin Sundelin muitala ovdalis sulli logi nuora searvan juohke davviriikkis, muhto dál sávašii vel eanebuid searvat. Son ávžžuha erenoamážit gánddaid searvat, go sii eai leat leamaš nu viššalat ovdal searvat čállinbádje-doaimmaide. Son dáhttu nuoraid geat hálidit searvat čállinbádjái mii lágiduvvo Suorssás Ruoŧas, dieđihit iežaset interneahta badjel. Interneahta čujuhus lea www.lubleir.no
Dieđihanskovvi
Lubleir.no siiddus gávdnet dieđihan skovvi ja doppe sáhttá maid lohkat eanet Suorssá deaivvadeamis. Doppe sáhttá maid lohket ovdalis lágiduvvon čállinbájiin. Ja jos interneahtas ii meinnestuva gávdnat dieđuid, de lea maid vejolaš fitnet dieđuid buot álmmolaš girjerádjosiin Davvi Norggas. Iežaset muitala maid sádden dieđuid buot nuoraid ja joatkaskuvllaide davvin.
Máksá searvat
Sundelin muitala nuoraid šaddat máksit 1500 ruvnnu searvamii, muhto de lea dalle buot eará mákson dáinna máivssuin, oahppu, borran ja orrun. Mátki Suorsái máksá juohkehaš mátki ieš, muhto maŋŋelis fitne mátkedoarjaga mátkái.
Njeallji riikkas servet girječállit
Sundelin muitala norggabealde searvat guokte girječálli danne go dál galget leat sihke sámi ja dárogieloahpaheaddjit oahpaheamen nuoraid čállit. Ja juohke davvi riikkas servet girječállit oahpahit nuoraid čáppagirjjálašvuođa čállimii. Njeallja beaivvi lea oktasaš čállinoahppu, ja dáid beivviid leat dulkkat maid mielde. Dieđos lea maid juohke oahppái vejolaš fitnet veahkki iežasgillii. Suohtastallamat galget maid leat nuoraide. Čállinoahppu bistá vahkku, áigumuš dáinna livččii fitnet eanet nuoraid beroštit čáppagirjjálašvuođas. Čállinbájiin áiggošedje davvi riikkaid girjerádjosat boktit eanebuid čálligoahtit girjjiid:
Ovdal searvan čállinohppui
Čállinbaji leat ovdal maid lágidan davvi rikkaid girjerádjosat. Guokte jagi áigi lea dassái go Lill-Therese Holm -Varsi searvvai čállinbádjeohppui, dalle lágiduvvui dát Kabelvågas Lofoahtas. Holm-Varsi muitala olu oahppan doppe, ja muitala maid oahpásmuvvan eará davvi riikkanuoraide. Son ávžžuha nuoraid searvat, danne go doppe oahppá olu.
