NRK Meny
Normal

Čállimin gurre iežas

Čállin addá sutnje fámuid beassat viidáseabbot jos eallin su bávččagahttá. Ilolaš sánit ges movttagahttet ja dálkkodit

Diktačálli Ánne Biret Logje
Foto: Anne Olli / NRK

Ánne Biret Logje lea 26 jagi boaris, muhto lea juo 14 jagi čállán divttaid. Vuosttaš divtta čálii son skuvllas, iežaset skuvlla aviisii. Iežas muitala čállit jurdagiiddis ja dovdduidis báhpirii, danne go ná sáhttá son gurret iežas.

Dálkkasin maŋŋelii

Áiggit vásset ja máŋgii son fas ohcala sániid maid ovdal lea čállán. Sielu dálkkoda somaš sániidguin, ja eará sánit ges duođaštit ahte lea geargan áššiiguin. Buot died lea son diktan čállán.

Čállá sámegillii

Sámegillii muitala leat buorre čállit danne go mottiin sániin sáhttá nu ollu muitalit. Eallin vásáhusat gurgalahttet sániid, dáid čállá son ja rádjá daid maŋit áigái.

Soitet girjin boahtit

Ánne Biret Logjes leat ollu divttat, divttat maid máŋganuppelot jagi lea čállán. Su siessá, Kirsten Susanne Logje lea guhká juo dahttuhan su sáddet divttaidis muhtin girjelágádussii, ammahal dáid sáhtašii girjin ilbmadit.

Boazodoallu váimmus

Diktačálli Ánne Biret Logje

Diktačálli Ánne Biret Logje

Foto: Anne Olli / NRK

Ánne Biret Logje lea boazosámi nieida, 26 jagi boaris. Son muitala iežs leat siivudis nieidan. Boazosámi bártnit leat su jurdagiin, muhto gal dáloniidbártnitge bovttašedje buriid dovdduid. Ánne Biret muitala iežas smiehtadit nie go eallinguoimmii ozada. Sámi duogás dat galggašii sus, muhto giella ii leat hehttehussan gal. Gulahallá han dárogielian maid.

Gula jearahallama ja divttaid

Gula jearahallama ja divttaid