Čállán ođđa girjji

Fargá almmustuvvá Jens Martin Mienna ođđa girji "Mun in muital". Das lea sáhka givssideamis.

Jens Martin Mienna

Jens Martin Mienna

Foto: Anne Olli / NRK

Ášši doaimmaha Ánne Olli

Oahpaheaddji ja girječálli

Jens Martin Mienna lea Guovdageainnus eret, son lea čállán ja almmuhan ovdalge girjjiid. Rievtti mielde lea son ovdaskuvlla oahppu váldán, muhto bargá dál oahpaheaddjin Guovdageainnu vuođđoskuvllas. Seammás čállá maid girjjiid.

Givssideapmi bovttii su čállit girjji

Givssidemiid lea oaidnán skuvllas, ja das varra ii goassige beasa, muhto son dáhtošii dás eanet fuopmášumi, danne son čállá das. Jens Martin Mienna lea fuomášan ahte sámemánát givssidit earalahkai go earát, ja dás galggašii dál šaddat sagastallan, oaivvida son.

Girji juo gárvvis

Girji lea juo gárvvis, muhto ii dat almmustuva ovdalgo golggotmánus. Jurdda livččii seammás álmmuhit jietnagirjji das, ja maŋŋelis lea jurdda dahkat das čájálmasa, ja čájehit dan skuvllain.