«Sterke krefter» lea girji buorideaddjiid ja veahkeheaddjiid birra, das leat olu imašlaš muitalusat.
Ingjerd Tjelle lea journalista ja girječálli, son lea čállán earret eará Internahta mánáid birra girjji, ja dál ges lea čállán girjji buorideadjjiin ja veahkeheaddjiin. Girjáid lea son čohkken olu dieđuid sihke ovddeš ja dálá buorideaddjiin. Iežas muitala bealnnot jagi bargan girjjiin, dál lea girji gárvvis, ja girjji lea ČálliidLágádus almmustahttan.
Girjjis čállá ovvdeš ja dálá buorideddjiin
Girjji lea čállán dárogillii, ja das son čállá earret eará Nanna Persenis, Leonhard Løvlunddas, Sigvald Persenis, Ivar Unsgaardas, Mikkel Gaupas, Johan Kåvenis, Knut Ovllás, Ole Andreas Knutsenis, Anneli Guttormmas, Torfinn Hammaris ja ollu , ollu earáin.
Bohkain dáin olbmuin main son čállá, leat erenoamaš attáldagat, ja girjjis leat olu olbmot geat muitalit iežaset vásáhusain. Sii muitalit mo singuin geavai go fitne buorideaddjiin hálešteamen. Girječálli Ingjerd Tjelle ii loga iežas sáhttán geavahit journalisttalaš gažadanvugiid, go jearahalai buorideaddjiid. Son fertii beare luohttit ahte sii muitaledje duođalaš áššiin. Iige son gal aba jáhkege ahte olbmot gillejedje gielistit sutnje, go son jearahalai sin.
Ii čáhkkehan buot muitalusaid girjái
Iežas ii loga buot muitalusaid čáhkkehan girjái, son lea gal ollugiid jearahallan, muhto ii sáhttán buot čállit girjái. Girjjis leat máŋgga lagan muitalusat, ja olbmot leat miellasit muitalan maid sii leat vásihan go leat dáhtton veahkki buorideddjiin. Iežas lohká Tjelle imaštallan mo duođai lea vejolaš oažžut veahkki, muhto son lea beare ferten jáhkit olbmuid muitalusaide.
Dál lea girji gárvvis ja dán mánu 12. beaivvi, otne, almmuhuvvo Ingjerd Tjelle girji "Sterke Krefter" Álttás.
Girjjis čállá maid áltálaččas Ellen Marit Saras, son lea buorideaddji, ja son lea rahpasit muitalan iežas attáldagain. Dás vuollelis gulat maiddái Elle Máreha muitaleamen iežas attáldagain..