NRK Meny
Normal

Čállá mánáide ođđa girjji

Sámi girječálli Karen Anne Buljo čállá historjjágirjji mánáidgárdde dássái. Girjjis galget leat olu govat, danne go mánáidgárddemánát eai vel máhte lohkat.

Girječálli Karen Anne Buljo

Girječálli Karen Anne Buljo

Foto: Anne Olli / NRK

Gula jearahallama Karen Anne Buljoin

Karen Anne Buljo lea artistta, mánus- ja girječálli . Son lea dál gárvvistan giehtačállosa Stephen Borrough birra, dát galgá girjin šaddat ja lea jurddašuvvon mánáidgárdde dássái.

Stephen Borrough girjjis tevnnet

Tevnnet Stephen Borrought girjjis

Foto: Anne Olli / NRK

1557 áššiš čállá girjji

Káren Anne Buljo čállá dáhpáhusas mii dáhpáhuvai hui áigá, 1557:s. Stephen Borrought elii dien áiggis. Son mátkoštii skiippain, ja gárttai sámiid searvái dálá Finnmárkku riddui. Dáppe illá gulahulai sámiiguin, danne ráhkadii son sátnelistta, ja dát dat leage navdimis dat vuosttamuš sámegiel sátnelistta, oaivvilda Karen Anne Buljo.

Fáddágirji

Buljo čállá mánáidgárdde mánáide, ja dasa lea maid fáddágirji ja maŋŋelis gárvvistuvvo maid digitála girji dás. Dalle sáhttet das osiidmielde gullat ja seammás maid bargat fáttáin mat gullet áššái.

Dološáigge ságat

Girjjis galget leat dološ áiggis ságat, mo dalle dan áigge birgejedje, mo dálkkodedje. Karen Anne Buljo čállá guvllárnissonis, muitala mo son veahkehallá olbmuid, ja čállá maid dalá mánáid dilis.

Olu govat

Girjjis galget leat olu govat, ja daid lea tevdnen Daniel Gelencher. Muitalus lea fikšuvdnahámis, mii mearkkaša ahte dáđistaga go čállá de hápme muitalusa iežas hutkosa vuođul. Oktiibuot šaddet girjjis 88 siiddu, ja 40 gova.

Govva Karen Anne Buljo mánáidgirjjis

Govva Karen Anne Buljo mánáidgirjjis

Foto: Anne Olli / NRK

Hápmejuvvon máhttoloktema mielde

Girji lea hápmejuvvon ođđa máhttolokteama vuođul, ja Karen Anne Buljo muitala iežas dán hápmen nu ahte dat galgá dohkket geavahuvvot maiddái boahtteáiggis.