NRK Meny
Normal

Čállá davvi guovllu buorideddjiin

Ingjerd Tjelle lea journalista ja girječálli. Dál lea son čállimin girjji mas muitala davvi guovllu buorideddjiin. Ja son oaivvilda ahte sii maid galget gulustuvvat.

Ingjerd Tjelle
Foto: Anne Olli

Journalista ja girječálli Ingjerd Tjelle ássá Čáhcesullos. Journalisttan álggii son 1984, álggos aviisii Akers avis ja dastto Finnmark Dagblad. Son lea maid bargan radiojournalisttan P4-žis ja NRK Finnmárkkus. Dál bargá iežas finodagas Horisont Varanger, gos son bargá journalisttan, girječállin ja govvideaddjin.

Čállá dálá ja ovddeš buorideaddjiin

Dál čállá son ođđa girjji. Girjjis lea sáhka davvi guovllu buorideaddjiin, erenoamážit áigu son čállit sámi buorideaddjiin. Iežas muitala guhká leat smiehttan fáttás, ja dál lea son dáinna bargamin.

Ollugat leat cavgilan sutnje geaiguin son galggašii váldit oktavuođa, ja ollugat dáin buorideaddjiin leat sámi sogalaččat. Son áiggošii erenoamážit čállit dála ja ovddeš áigge buorideddjiin. Maiddái dološ noiddiin.

Imašallagođii manne davvi guovllu buorideddjiin ii čállo ja hállo

Son njulgestaga smiehtagođii manin Čáhcesullo ovddeš buorideaddjis, Ivar Unsgårdas, ii leat čállon miige. Unsgård lei beakkánis buorideaddji mannan čuohtájagi gaskamuttos. Su bohte ollugat deaivat, ja son nagodii buoridit ollugiid.

Tjelle lohká Unsgårda roahkkadit oažžut boahtastahttit Snåsamanneniin, Joralf Gjerstadain. Unsgårda buoridan attáldagain hállet vel ain dálge Čáhcesullos, ja varra eará guovlluinge muitet su. Dát dat duođai bovttii su jurddašišgoahtit čállit girjji buorideddjiin geat ellet ja doibmet Davvi Norggas.