Hamsunbiejvijt rabáj: – Mån vissásit jáhkáv sjiervedis stuorfamillja dáv dárbaj

Åvdep vahkko lij girjálasjvuohtafestiválla Hamsunbiejve Hábmera suohkanin. Sámediggeráde Mikkel Eskil Mikkelsen rabáj girjálasjvuohtafestiválav. Sån vuorbev sávaj ásadiddjijda dan buorre sjiervedis, sáme ja guojna prográmma åvdås.

– Mån vissásit jáhkáv sjiervedis stuorfamillja dáv dárbaj, sierraláhkáj maŋŋel gå moaddi mijás li gæhttjalam vuohttjum terrorládamin Oslon gå giesen lij pride, javlaj Mikkelsen gå festiválav rabáj.

Sæmmi láhkáj ij la Hamsuna girjálasjvuohta alternatijvva sunji jus sihtá sjiervedis girjálasjvuodav låhkåt.

– Hamsuna girjálasjvuohta ij la juojddá mij muv vuojnná, ij ga sjiervedibmen jalik sábmen, javllá Mikkelsen avijssaj Avisa Nordlandaj.

Åhpadussiebrre: – Divna bierri streikaj gárvedit gå skåvllå álggá

Rijddooarre l bálkká.

Skåvlå rijkkasiebrre, Vuonarijkka Lektorsiebrre ja Åhpadussiebrre ettjin guorrasa Suohkana guovdásjsiebrijn moarmesmánon gå sijáj li bálkkásjiehtadus. Dan rájes ælla vijddábut boahtám.

– Miján la pládna. Iv máhte iktet gånnå, guossa jali man moaddásijda sjaddá streikas loavddet. Valla luondulasj vuorddet sjaddá oabllánit gå skåvlå álggi, javllá jådediddje Åhpadussiebren Steffen Handal.

Gånågis Harald skihhpijviesos bessam

Mánnodagá manáj gånågis Harald sijddaj skihppijviesos. Sån skihppijviesoj Rikshospitalenij sisi tjáleduváj duorastagá. Sån la dálkuduvvam vuolsjes, diededij Gånågisviesso bierjjedagá. Gånågis la vieddje.