Divttasvuotnalaš Mikkel Eskil Mikkelsen lea sámediggeválggain NSR vuosttaškandidáhtta Viesttarmearas.
Son dadjá iežas vuolgán vuosttažin, go su mánná- ja nuorravuohta lea hábmen su. Mikkel Eskil bajásšattai birrasis gos olusiin lei beroštupmi ovddidit ja nannet sámi servodaga ja sámegiela.
Mediaovttasbargu
NRK Sápmi ja Ávvir leat ásahan doaimmahuslaš ovttasbarggu gos earret eará nuorra journalisttat jearahit nuorra politihkkárkandidáhtaid.
Mii leat humadan kandidáhtaiguin geat čavčča rájes sáhttet leat mielde váikkuheamen sámepolitihkka.