Dán miehtsen gávnnap goavsos figuvrajt.
– Stálo, gadniha, ibmaha ja divna ilmeniera ma subttsasij gávnnuji.
Sigrid Rasmussen nammat nágin ilmenierajs ma dán álmmuksubtsasmiehtsen Ulsvágen Hábmerin li, majt sån iesj la dahkam.
Sigrid Rasmussen la ietjas ládov figuvrajs dævddám.
Foto: Simon Piera Paulsen / NRK– Dát miehttse divna mánájda hiehpá, jus la esski riegádam jali juo la 100 jage dævddám. Dánna máhtá gæhttjat, imájdallat, ájádallat ja soajttá mujto ietjat mánnávuodas badjáni. Ja de máhtá ådå mujtojt ietjat mánáj jali mánájmánáj siegen dahkat.
– Lav dáv miehtsev dahkam danen gå mánájda berustav. Berustav dav mánáv mij ietjama sinna le, gut la mijá ållessjattukiellemav hábbmim. Sidáv galggap mánáv ietjama sinna várajda válldet.
- Lågå aj:
Nåvkå
NRK vuolggá Sigrid Rasmussena fáron gå familjav mæhttsáj válldá. Dán miehtsen besa moadda tjuohte figuvra vuojnnet – nåvkå.
– Dát miehttse la jánndurav birra ja ålles jagev rabás. Ij ga mávsov galga. Dát la vattáldak majt lav ulmutjijda vaddám.
Maŋemus jagev la Rasmussen ienep gå 100 ådå figuvrajt mæhttsáj biedjam. Sån la aj miehtsev dahkam dajda gudi svájggasijda berus.
– Dánna lahkusin la aj bahás miehttse. Lav dav vehi ierit dahkam nav vaj diedá jus la danna gå dåk vuolgá. Dan láhkáj smáv máná e dárbaha suorgganahttet.
- Lågå aj:
(Artihkkal gåvå vuollelin joarkká)
– Ge, biejvvelåttåtja, javllá Maia (8) Williamij (5).
Foto: Simon Piera Paulsen / NRKLádo dievva figuvrajs
Dáv ilmenierav bahás miehtsen besa vuojnnet.
Foto: Simon Piera Paulsen / NRKJa ládo Rasmussena lunna la aj sierra subtsas.
– Dánna besa gæhttjat jus sidá. Muv mielas la dát ládo subtsasdivudahka mánájda. Diek máhtti máná boahtet figuvrajt gehtjatjit ja ietjas subttsasijt hittit.
– Gå nuorra lidjiv de iesj stálojt ja ietjá figuvrajt dán ládo sisi tjuorggiv. Ja gå ållessjattugin sjaddiv ja iesj máhttiv mierredit gåktu ládo galgaj liehket, de ládov stáloj ja figuvraj dievddiv.
Nåvkå oasestit
Duodden la sujna aj oases gånnå navka máhtá oasestit.
– Besa válldet jus vuojná juojddáv majt lágeda. Áda ma muhtemijda la árvodis, soajttá iehtjádijda la árvulasj. Moaddása li dánna árvulasj gávnijt gávnnam.
- Lågå aj:
