NRK Meny
Normal

– Vattis gávdnat doaibmahehttejuvvon sámiid

Harstad allaskuvlla dutkit ohcet doaibmahehttejuvvon sámiid miehtá norgga.

Høgskolen i Harstad
Foto: Mathis Eira / NRK

Sii leat álggahan stuorra dutkanprošeavtta gos 14 dutki oasálastet, muhto dása lea váttis gávdnat doaibmahehttejuvvon sámiid.

Ávžžuha olbmuid searvat dutkamii

Linn Melbøe Sagen

Harstad Allaskuvlla vuosttaš amanueansa ja prošeaktajođiheaddji Line Melbøe.

Foto: Mathis Eira / NRK

Dál ávžžuha prošeaktajođiheaddji Line Melbøe, Harstad Allaskuvllas olbmuid searvat dutkamii. Harstad Allaskuvla lea álggahan dutkanprošeavtta gos áigot iskat mot lea dilli sápmelaččain geat lea doaibmahehttejuvvon.

Váttis gávdnat olbmuid prošektii

Muhto sii rahčet gávdnat olbmuid geat searvvašedje dán dutkamii, sii leat bivdán veahki 20 suohkanis Finnmárkkus, Romssas, Nordlánddas ja Davvi-Trøndelagas.

Ja dasa lassin sámi guovddážiin ja sámi organisašuvnnaiguin muhto datge eai leat gávdnan olbmuid geat servet, nu lohká prošeaktajođiheaddji Line Melbøe, gii lea vuosttaš amanueansa Harstad Allaskuvllas.

Son ávžžuha dál olbmuid váldit oktavuođa suinna.

Háliidit diehtit mot árgabeaivi lea

Gunn Elin Fedreheim

Dutki ja vuosttaš amanueansa Gunn Elin Fedreheim.

Foto: Mathis Eira / NRK

Dutkit háliidit diehtit mot daid olbmuid árgabeaivi lea, makkár hástalusat leat, makkár veahki ožžot ja ahte ožžot go doarvái veahki, ja maiddái besset go searvat organisašuvnnabargguide ja politihkalašdoaimmaide.

Stuorra dutkanprošeakta

Dát lea stuorra dutkanprošeakta, 14 dutki leat mielde ja dát lea oassi Davviriikalaš dutkamis.

Dutki ja vuosttaš amanueansa Gunn Elin Fedreheim maid oasálastá dán dutkamis. Ja son lohká ahte lea dehálaš ahte sihke davvi- julev- ja mattasámit servet dán dutkamii, vai sii besset oaidnit leat go erohusat.

Guldal ášši: