NRK Meny
Normal

– Suohtas «Hollywood» musihkkavideo ráhkadit

Kárášjoga viđát luohká oahppit leat ráhkadan musihkkavideo rap-lávlagii mii govve sin ruovttugieldda.

Asllat Máhtte Iversen Utsi, Henriette Alexandra Mielonen ja Ánne Máret Eira Meløy .

Kárášjoga viđát luohká oahppit: Asllat Máhtte Iversen Utsi, Henriette Alexandra Mielonen ja Ánne Máret Eira Meløy.

Foto: Marit Sofie Holmestrand / NRK

Kárášjoga rappa gullui vuosttaš geardde diimmá Beaivváškonsearttas, mii jahkásaččat lágiduvvo doppe ođđajagis go beaivváš fas ihtá.

Janna Hagelin Balto

Oahpaheaddji Janna Teresa Hagelin Balto mielas lei álggos veahá hástalus bargat prošeavttain, go mánáin ledje oalle alla vuordámušat.

Foto: Marit Sofie Holmestrand / NRK

Musihkkavideo lea oassin prošeavttas mainna skuvla lea bargan ovttas Sámi allaskuvllain. Prošeavtta namma lea «Sámi máná áigumušat».

– Skuvlamánáin Kárášjogas ledje alla vuordámušat go gulle ahte galge musihkkavideo beassat ráhkadit, galggai dakkár «Hollywood»-lágan musihkkavideo, lohká oahpaheaddji Janna Teresa Hagelin Balto.

Mánát fuomášedje johtilit ahte lea ollu bargu go filmma áigu ráhkadit, muhto sii leat bures liikon dán bargui.

– Dát lea leamaš oalle somás bargu ja mii leat maid beassan čájehit dan mii lea positiiva Kárášjogas, lohká Asllat Máhtte Iversen Utsi.

Guldal: