– Seamma goerkelimmie lea daerpies

Stoerredigkie edtja mieriedidh mejtie rïektesvoetekommisjovne edtja tsaegkesovvedh dan giesien åvtelen.

Eva Maria Fjellheim under høringen om en sannhetskommisjon om fornorskningen av samene og kvenene

Eva Maria Fjellheim (ÅaSG) soptsesti gosse lij govlehtimmie jååktan.

Foto: CARL-GØRAN LARSSON / NRK

Jååktan lij govlehtimmie Stoerredigkesne gusnie saemieh institusjovnh, gærhkoeraerie jih polijtikerh soptsestin mannasinie lea vihkeles saetniesvoetekommisjovnem tsaekedh.

Akte dejstie lij Eva Maria Fjellheim (ÅaSG).

– Lea vihkeles govlehtimmie. Daate uvtelasse lea dïhte vihkielommes gyhtjelasse daelie, jis mijjieh edtjebe jååhkesjimmie åadtjodh, Fjellheim jeahta.

Dïhte jeahta lea stoerre haestiehtimmie daelie nimhtie goh dellie, jih dah vuejnieh ovrïekte lea dïhte gaevhtie.

– Jis mijjieh edtjebe vuejnedh gustie dåeriesmoerem båata, dellie tjoerebe seamma goerkelimmie histovrijistie utnedh.

Nænnoestimmie båata giesien åvtelen

Åejvie Stoerredigkien gïehtjedimmie- jih konstitusjovnekovmite, Martin Kolberg (Ap) jeahta daate NTBse:

Martin Kolberg

Martin Kolberg (Bb)

Foto: Øijord, Thomas Winje / NTB scanpix

– Mov våajnoe lea saemien byjrese abpe laantesne nimhtie kommisjovne sijhtieh.

Mohte jeahta eah leah Barkoebielie jallh komitèe dan mearan ennje båeteme guktie dåemiedidh dejnie gyjhtelassine.

Kolberg jeahta lea stoerre nænnoestimmie mij sjædta vaeltedh, ihkie dïhte kommisjovne båata jallh ij.