NRK Meny
Normal

– Sámediggái eanet dadjamuš

Muhto ráđđehus ii mieđit gal gieldinválddi ii Sámediggái iige boazodollui, lohká Bargo- ja Searvvadahttinministár Dag Terje Andersen.

Dag Terje Andersen
Foto: Piera Balto / NRK

Ráđđehus árvala Stuorradiggái ahte Sámediggái galgá cuiggodan-váldi dan ođđa gielddaid plánen- ja huksenlágas.

Sámediggi ja boazodoallu ovttas ožžot nana válddi huksenoktavuođaide nu go viesso-, bárta- ja industrijahuksemiidda guovllus, lohká ođđa sámeministár Dag Terje Andersen.

GULDAL: Sámedikki cuiggodanváldi

Váikkohanvejolašvuohta

Stáhtáráđđi čilge ahte čuiggodeapmi galgá leat mielde buot áššemeannudemiin, mii mearkaša ahte jos Sámediggi cuiggoda muhtin gieldda huksenplánaid, de manná ášši vuostasin filkkámánnái ja sáhttá loahpas meannuduvvot Birasgáhtten departemeanttas.

Andersen muitala ahte cuiggudanváldi dattege ii mearkaš ahte go Sámediggi dan geavaha, de bissehuvvojit buot huksenplánat.

Sámediggegárdin Kárášjogas
Foto: Eilif Aslaksen / NRK

– Sámediggi dat mearrida ieš goas sámiid beroštumit leat áiton, ja dalle sáhttá ovddidit cuiggodeami, lohká Andersen.

Ja jos Sámediggi leš ehapesihkkár čuhcet go ovdamearkka dihte huksemat sámiid beroštumiide, de sáhttá Birasgáhtten departameanta dange mearridit.