NRK Meny
Normal

– Riedja čuohcá dearvvasvuhtii

Rieja ja juhkan olbmuid geažil gártá 75-jahkásaš váibmobuohcci juohke jagi báhtarit ruovttustis Skiippagura festivála boddii.

Skiippagurra festival 2009
Foto: Jaana Niityvuopio / NRK

Báikkiolbmot oaivvildit Skiippagura festivála čuohcat báikki olbmuid dearvvasvuhtii ja gáibidit festivála sirdot eará sadjái.

– Riedja lea váivi sutnje, go son lea váibmobuohcci Kristine Johnsen muitala, guhte váivašuvvá Skiippagura festivála geažil juohke jagi.

GULDAL: Gáibidit sirdit festivála

– Dat lea hirbmat lossat sutnje ja danin son ferte fárret eret festivála boddii. Dát dagah sutnje maiddái goluid Johnsen čilge.

Gilisearvi lea dáhtton sirdit festivála eará guovlui. Johnsena šattašii lihkolažžan jus dát ollašuvašii.

– Lágideaddjit vuodjigohtet garra leavttuin stuorra biillaiguin ovddos maŋos guokte vahku ovdal festiválaid. Dat lea váralaš mánáide Johsen muitala.

Deanu gielddadoavttir, Geir Alexandersen, mielde erenomažit vuoras olbmot leat gártan mannat doaktára lusa maŋŋá festivála. Son ii searvva jearahallamii, muhto muitala gieldda fertet váldit dán ášši duođas.

Deanu ráđđealmmái, Jørn Aslaksen, ii loga gieldda áigut gáibidit lágideaddjiid sirdit festivála eará báikái. Son doaivu festivála jođiheaddjiid ja báikki olbmuid ovttas gávdnat govttolaš čovdosiid.