NRK Meny
Normal

– Rasisma čuovvu buolvvas bulvi

Rasistalaš ovdagáttut sáhttet leat čuvvon buolvvas bulvi, nu dadjá dutki ja stáhtadiehti Eva Josefsen.

Eva Josefsen
Foto: Eilif Aslaksen / NRK

Son maid lohká vuohttán ahte juohke háve go sámepolitihkka lea ovdánan, de lea badjánan garra vuosteháhku sápmelaččaid vuostá.

Mannan bearjadaga oaččui Finnmárkku Sosiálistalaš Gurutbellodaga stivrraláhttu Elin Henriksen ja su bearaš Mátta-Várjjagis roavva rasitalaš reivve.

Dát bođii maŋŋá go Henriksen dajai Ovddádusbellodaga stuorradiggeáirasa Jan Henrik Fredriksena gilvimin rasisma go čuožžuha guolástusministára Helga Pedersena vuoruhit dušše sápmelaččaid iežas ámmáhis.

Máhttu baldá

– Go sámit čájehit máhtolašvuođa ovddidit sámepolitihka ja nu fitnet vuoigavuođaid sámiide, de dát sáhttá leat balddehatti sidjiide geat eai leat sápmelaččat.

Sis han soaitá leat dakkár oaidnu ahte sámit eai leat ovttadássásaččat stuorát servodaga álbmogin, muitala dutki Eva Josefsen.

Ferte váldot duođas

Josefsen maid deattuha ahte lea dehálaš ahte njunuš olbmot servodagas čájehit vuostehágu rasisma ja vealaheami vuostá.

– Nu lea ge dehálaš mo sii gieđahallet áššiid mat gusket rasismii ja vealaheapmái.