NRK Meny

– Ráđđehus beare várrogas

Ráđđehus lea beare várrogas iežas vuordámušain nikkelrusttegiid oamasteaddjiide Nikel gávpogis Ruoššaas, lohká bargiidbellodaga Stuorradikke áirras, Helga Pedersen. Birsdepartemeantta stáhtačálli Lars Andreas Lunde lohká ahte oamasteaddjit eai beroš das maid Norga cealká, ii ge Norggas leat vejolašvuohta bágget oamasteddjiid unnidit áibmonuoskkideami, mii maid leavvá Mátta-Várjjagii. Pedersen ávžžuha ráđđehusa riikaidgaskasaččat geavahit gávpesoahpamušaid mat dagahit ahte máilmmss heitet oastimis Nikel-fábrihka buktagiid.