Heahtá Márjjábeivviid njoarostangilvvut čohkkejedje njoarosteaddjiid miehtá Sámi Heahtá márkanii mannan vahkkoloahpa. Dán jagáš Gollegiehta njoarostangilvvu vuittiiga Elli-Saara Äärelä ja Mikkel Andreas Eira, čállá Yle Sápmi.
Dá bohtosat:
Nissonat
1. Elli-Saara Äärelä, Sallevárri, Suopma, 3,08
2. Elene-Anne Sara, Sallevárri, Suopma, 5,37
3. Kirsti Monica Eira, Favrrosorda, Norga, 5,41
Dievddut
1. Mikkel Andreas Eira, Lákkonjárga, Norga, 1,43
2. Niko Näkkäläjärvi, Neakkil, Suopma, 2,19
3. John Inge Eira, Lákkonjárga, Norga, 3,59
Máŋga Davvi-Norgga gieldda fáluhit nuvttá ássama, mátkedoarjaga ja lassi ruhtaovdamuniid vai fidnešit geassebargiid.
Diibmá lei stuorra sadjásašbargiváili máŋga gielddas.
Dáid sierra doaibmabijuin sávvet gielddat háhkat eanet geassebargiid dearvvašvuođasuorgái.
Bjørn Roald Mikkelsen háliida sirdit máŋga stuorra riikkaidgaskasaš čuoigamiid davás dálkkádatrievdamiid geažil. Son lei gilvojođiheaddji norggameašttirgilvvus čuoiganbáhčimis mii lágiduvvui Álttás mannan vahkkoloahpas.
Seammás go lea fápmoheahti Eurohpás, de geavahit olu fámu ráhkadit goanstta muohttaga čuoigganláhtuide.
Mikkelsen háliida baicce lágidit čuoigamiid doppe gos lea muohta.
– De livčče lunddolaš ahte čuoiganáigodat álggášii easkka ođđajagimánus dahje guovvamánus, dalle lea buoret muohtadilli Eurohpás. Njukčamánus, ja eandalii cuoŋománus lea fas Davvikalohtas hirbmat buorre čuoigansiivu, dadjá Mikkelsen.
