NRK Meny
Normal

Muotka: – Norgga ráđđehus hilgu ON-cuiggodeami

Norgga ráđđehus ii oro berošteamen vaikko Ovttastuvvon Našuvnnat (ON) cuiggodit Norgga ráđđehusa go stádabušeahtas evttohit heittihit Gaska-Nøørjen Saemienskovle Árborddes.

Silje Karine Muotka

Sámediggeráđđelahttu Silje Karine Muotka imašta go ráđđehus stáhtabušeahttaárvalusastis áiggošii heaittihit Gaske-Nøørjen Saemienskovle doaimma Árborddes.

Foto: Juliane Kravik / NRK

Bušeahttaevttohusain lea Solberg-ráđđehus olgguštan sámi ohppiid dárbbuid, dadjá Sámediggeráđđelahttu Silje Karine Muotká.

– Jagi 2016 Stáhtabušeahtas evttoha ráđđehus heaittihit Gaske-Nøørjen Saemienskovle doaimma Árborddes, muhto sámi oahpahus galggašii bisuhuvvot seammá dásis go ovdal, dadjá Muotká.

– Ráđđehusa sámi oahpahus bušeahttaevttohus ii leat dohkkálaš. Mii dovddahit ahte lullisámi oahpahusfálaldat berrešii rievdaduvvot dálá hámis. Muhto dán, nu go ollu eará áššiin ge mat gusket sámi álbmogii, ráđđehus vállje okto mearridit almmá gulahalakeahttá Sámedikkiin, cuiggoda Muotka.

Dát lea balddihahtti vuohki movt ráđđehus čađaha politihka ja gulahallama eanemus ja rašimus giellajoavkkuid ektui – namalassii lullisámi ohppiid, dadjá Muotka.