– Mun in leat gielistan

Son ii leat gielistan politiijaide. Son gal ballá áibbas duođas girdimis, nu lohká fáŋga gean šaddet billain fievrredit.

Vadsø fengsel

Čáhcesullo giddagasas šadde dievddu fievrredit biillain Tromsii, go son galggai diggái.

Foto: Knut-Sverre Horn / NRK

– Mun in gielis! Nu dadjá dievdu gii lea dubmehallan Čuđejohtnjálmmi goddináššis. Politiforum fágabláđis dat eahpiduvvo ahte ballá go son duođas girdimis, vai lea go mohkastan vai beassá biilafáru mielde vánddardit. Dán eahpideami ii dohkket dubmehallan dievdu ja muitala ahte son ii duostta girdit go ballá jápmit.

– Dat lea oba ártet go nie garra sániid geavahit, ahte mun lean gielistan. Mus lea duođasge ballu girdit, ja Politiforum ii sáhte dadját ahte mun in bala girdimis, nu lohká 49 jahkásaš Guovdageaidnulaš, gii lea dubmehallan 18 jagi giddagassii go gottii Helge Mannsverk diimmá giđá.

Politiforum cuiggodit go eiseválddit ná golahait politiijaid bušeahta, ja bláđi artihkkaliin lea lea maid imaštallon manne eai sáddeb fáŋgga fatnasa mielde. Dasa vástida dubmehallan dievdu ná:

– Fatnasis ledje coggan mu áresttii guokte jándorii veaddit, dat lea unna áreastta man sisa bidjet.

  • Gulal ášši:
    In gielis. Mun in duostta girdit