– Mun giittán musihka, ja min giittán lávlaga «Mu gorut». Dál mun lean givron, muitala Sunna Máret guhkebuš jearahallamis NRK Sámiin.
Beassášlávvardaga dán jagi oassálasttii Guovdageainnu nieida Sámi Grand Prixii (SGP) dáinna lávlagiin. Dál de lea viimmat siŋgel almmuhuvvon.
2014 vásihii Sunna Máret ilgadis dáhpáhusa. Son veagalváldui. Dát dáhpáhuvai justa ovdalaš dien jagi SGP-gilvvu. Son váiddii politiijaide ja ášši joavddai diggái, ja doppe dubmejuvvui nuorra bárdni.
– Diet lei lossa áigi. Mun čohkkájin lanjas ja čirron, čilge.
Máŋgii jurddašii ahte háliidivččii čalmmustahttit vásáhusa lávllateavstta bokte. Ja ođđajagimánus de nagodii gárvvistit buktaga. NRK Sápmi lea fitnan Sunna Máreha luhtte, ja dás oainnát olles jearahallama.