NRK Meny
Normal

– Manin mánát eai loga sámegiela?

Ráđđehus háliida diehtit manin vuođđoskuvllaoahppit eai dáhto oahppat sámegiela.

Raimo Valle
Foto: Nils Henrik Måsø / NRK

Seammás go Norgga ráđđehus lea ásahan sierra doaibmaplána, mii galggašii ovdánahttit sámegiela, de unnu mánáid lohkku sámi mánáidgárddiin. Dasa lassin unnu sámegielat oahppiid mearri vuođđoskuvllain.

– Ráđđehus háliidage dál diehttit mii dása lea sivvam, čilge stáhtačálli Raimo Valle.

Vaikko Norggas leat dál eanet mánáidgárddit ja skuvllat, mat fállet sámegielaoahppofálaldagaid, de unnit ahte unnit mánát válljejit oahppat sámegiela. Dát boahtá ovdan statistihkain, maid Sámi Allaskuvlla lea ráhkadan.

Vuođđoskuvllas gazzet dál viđádasa unnit (23%) oahppit davvisámegiela nubbingiellan go 2005:s. Dát lea stáhtačálli Raimo Valle mielas paradoksa.