NRK Meny
Normal

– Mađi boarraseabbot šaddá olmmoš dađi eanet váillaha sámi guovllu

Ássanvovdna Vuollegeavgŋás lea geasseparadiijás John Erland Boinii, guhte lea máŋgalot jagi bearrašiinnis jo ássan Fredrikstadas, lulli-Norggas.

Jon Erland Boine

Jon Erland Boine lea huksemin spihkkártealttá Vuollegeaŋásii.

Foto: Thoralf Balto / NRK

John Erland Boine lea badjelaš 20 jagi orron Fredrikstadas, muhto lea juohke jagi leamaš luomus davvin.

Dalle lea son geavahan dan nu gohčoduvvon "Fortealttá", ja dál lea son Vuollegeavgŋás ássanvovdnii huksemin spihkártealttá, mii lea dákkár smávva barttas ássanvovnnas gitta.

Jon Erland Boine

Jon Erland Boine

Foto: Thoralf Balto / NRK

Dehálaš davvin fitnat

John Erland lea juohke geasi davvin, ja dat lea hui dehálaš sutnje. Son lea erenomážit maid čadnon dan fiinna lundui.

– Lea hirbmat dehálaš boahtit deike, jus in beasa davás geassit, de lea juoga mii váilu.

Dáppe lea nu čáppa luondu, beasat meahccái vuolgit, it dárbbaš ráiddus čuožžut ja čuvges geasseijat leat erenomáža, muitala John Erland.

Jon Erland Boine
Foto: Thoralf Balto / NRK

Máhca mánnávuođabálgáide

John Erland lea lagabui 60 jagi, ja muitala dan ahte orro leamen nu ahte mađi boarrásat šattat dađi eanet bahkket ruoktot.

– Lea eambbo ja eambbo dehálaš deaivvadit fulkkiiguin ja lágas olbmuiguin. Jáhkán ahte lea nu sámi servodagas ahte fuolkevuohta lea hui dehálaš, dadjá John Erland.