– Lossat ja hárddildahtti

NSR.a Sámediggepolitihkár Silje Karina Muotka mielas lea gis issoras gullat go olmmošgoddi álgoálbmot namas oččoda dohkkeheami vearredaguidasas.

Silje Karine Muotka
Foto: Liv Inger Somby / NRK


– Mu mielas lea lossat ja hárddildahtti go norgga vearrámus tearrorista vikkaha máilmme álgoálbmogiid alcces ávkin. Son dat han lea fallehan min buohkaid ja demokratija, lohká son.

Nu son lohká maŋŋá Anders Behring Breiviikka ievttá čilgehusa diggái .

Oanehaččat

  • Stierdnáášši joatkášuvva odne

    Alimusriekti joatká odne Stierdnáášši meannudeami. Stiertná orohaga advokáhtat leat ákkastallamin ahte Stiertnás lea oamastanvuoigatvuohta muhtun guovlluin sullos. Maŋŋelaš odne vurdet ahte nuppi joavkku, SARA-joavkku, advokáhtat álggahit iežaset sátnevuoru. Finnmárkkuopmodat, mii lea vuosttebealli, ovdanbuktet ihttin iežaset ákkáid manne dán guovtti joavkkus dušše lea geavahanvuoigatvuohta Stiertnás.

  • Váldan dálkasiid buohcciviesus

    Davvi-Norgga buohcciviessu Romssas lea fuomášan ahte dálkasat leat jávkan lanjas gos vurkejit daid, nu čállá Nordlys áviisa. Áviisa dieđuid mielde leat tableahtat jávkan medisiinnalaš klinihkas. – Lea duođalaš ášši go boastut geavahat A-dálkasiid. Muhto sii eai dieđe vel gii lea váldán dálkasiid, dadjá klinihkkahoavda Markus Rumpsfeld. Buohcciviessu lea váidán ášši politiijaide.

Laster Twitter-innhold