NRK Meny
Normal

– Jurddašan sámi filbmafestivala birra

Beakkán Norgga neavttár ja filbmabágadalli Liv Ullmann hálidivčči mielde sámi filbmafestivalii Guovdageainnus, gos sáhttá leat vaikko filbmajurys mielde.

Liv Ullmann
Foto: NRK

Dán logai Ullmann NRK;ii ikte Moskva 30. riikaidgaskasas filbmafestivala rahpamis. Son logai festivála maŋŋimuš mas son lea jury-ovdaolmmoš, muhto searvvašii Guovdageinui moatti jagi geahčen jos jerru, vaikko liige olmmožiin filbmajurys.

Livčči somá loahpahit

Liv Ullmann lohká ahte riikaidgaskasaš filbmafestivála Moskvas, mas son lea juryovdaolmmoš, lea dat maŋŋimuš mas son lea mielde njunošdoaimmas.

Jearrahallamis NRK;in Moskvas lohká gal Ullmann vel dán.

– Jos mu jerret Guovdageainnus searvat filbmafestiválii, de dat lea juoga masa vel searvvašiin, vaikko liige olmmožin filbmajurys doppe, lohká Liv Ullmann.

Liv Ullmann lea neavttár ja ollu filmmain leamaš mielde, gávdnat Wikipedias.