– Ittjiv jáhke nav buoragit galgaj mannat

Dav javllá akta nissun tjiektjijs Allhelgona cupa maññela mij Jielleváren ásadalladuváj vasse vahkkoloaben. Gaske Nøørje-nissuna ja Divtasvuona-ålmå vuojttin.

GAASKE NØØRJE: EllenSara Sparrok, Brita Sandvik Wilks, Tone Staffansson, Katarina Vikström, Magdalen

GASKE NØØRJE: Ellen Sara Sparrok, Brita Sandvik Wilks, Tone Staffansson, Katarina Wikström, Magdalena Wikström ja Lisa Lyngman Gælok. Gælok ittjij jáhke galggin vuojttet.

Foto: Naima Khan Nergård / NRK

Guhtta nissunjoavko, guokta nuorajjoavko ja lågev ålmåjjoavko oassálasstin jahkásasj bállotjiektjamcupan «Allhelgonacupa», Jielleváren, nuortta Svierigin.

Tjiektjama álggin árrat lávvodak ideda ja joarkkin gitta sådnåbiejve iehketbiæjvváj.

Gaske Nøørje tjuottjoj sådnabiejve degu vuojtte nissunfinálan, Team Skånlánda vuosstáj, 2-1. Gaaske Nøørje lidjin gudás aktan mållagáhttárijn.

Lisa Lyngman Gælok lij akta tjiektjijs dan joavkon. Ja da lij vuostasj bále gå dán cupan oassálasstin. Gælok ittjij jáhke galggin vuojttet.

– Ejma iesj jáhke galgajma vuojttet, gå lijma dåssju akta spællar duodden ja mijá mållagáhttar buolvas sjattaj vuostasj tjiektjamin. Valla sån la tjuodtjum juska buolvva suv vájvedij, javllá Lisa Lyngman Gælok.

Manáj buoragit dán bale ja ij nav buoragijt dijmmá, javllá Mikkel André Nergård guhti lij akta tjiektjijs vuojttejoavkon ålmmåj gaskan.

Ávvo Divtasvuodna ålmåjoavkon gudi vuojttin.

DIVTASVUODNA. Roar Jørgensen, Nikolai Skaue, Adrian Nystø Mikkelsen, Jonas Kjær, Erlend Vangdal ja Arne Christian Vangdal. Vuolebu: Trond Edvard Paulsen, Vegard Langmo, Mikkel André Nergård ja Ronny Nergård.

Foto: Naima Khan Nergård / NRK

Ávos giehttu Mikkel André Nergård huj suohtas lagå vuojttin. Valla tjiektje e dábálattjat aktan tjievtja ietján gå dán cupan danen gå årru iesj guhtik bájken.

«Buoremus»-nammadime

Ásadiddje «Jielleváre sáme siebrre» nammadij aj sådnåbiejve gålmmå nissuna ja gålmmå ålmmå sierra «buoremus»-nammaj - mållagáhttár, ålggotjiektje ja målladáhkke.

Buoremus nissun mållagáhttár: Åslaug Johannsen, Team Skånland.
Buoremus nissun tjiektje: Brita Wilks, Gaske Nøørje
Buoremus nissun målladáhkke: Felicia Malteryd, GSF.


Buoremus ålmåj mållagáhttár: Adrian Nystø Mikkelsen, Divtasvuodna.
Buoremus ålmåj tjiektje: Jonathan Barlow, Team Skånland.
Buoremus ålmåj målladáhkke: Johan Bergkvist, Team Jämtland.