NRK Meny
Normal

– Illudan jienastit

Dan lohká 15-jahkásaš Ida Marie Nilsen go gullá Kárášjogas sáhttet 16-jahkásaččat beassat jienastit boahttejagi gielddastivrra válggain.

Illuda jienastit 2015:s

Áigu guorahallat makkár bellodaga jienastit

Foto: Piera Balto / NRK

Kárášjoga ráđđealmmái dat árvala gielddastivrra dohkkehit ahte gielda ozašii beassat dán geahččalanortnegii 2015:s, čállá áviisa Ságat.

Dat mearkkašivčče ahte buohkat geat leat boarrásat go 16 jagi, beasašedje jienastit 2015 gielddastivrra válggaide.

20 gieldda Norggas

Gieldda- ja ođasmahttindepartemeanta dat ásahii geahččalanortnega mannan

Gurotbellodaga Nils Nilsen Gaup

Gáddá beroštumi lassánit nuoraid gaskkas.

Foto: Eilif Aslaksen / NRK

válggaide ja áigo joatkit dáinna maiddái boahttejagi válggaide.
Sullii 20 gieldda Norggas besset mielde ja bealli daid searvvis galget leat gielddat mat serve ortnegii 2011:s, čállá regjeringen.no.

– Lassi beroštupmi

Kárášjoga gurot bellodaga jođiheaddji, Nils Nilsen Gaup, ii lean ovdal gullan ráđđealbmá árvalusa birra. Son datge atná dan buorrin.

– Dat sáhttá buori maid diet buktit. Mun álgen smiehttat ahte kánske dalle nuorat eambbo beroštišgohtet politihkket, ja dat han livčče máilmmi buorre.

Nu ahte mun in oainne gal dies makkárge heajosvuođa ahte dat eai galgga beassat. Mun gal meidnen dat gal lea beare buorre.